La Terra Di Hamdis Songtext

Carmen Consoli

von Amuri Luci

La Terra Di Hamdis Songtext
Ventu, pirchì nun spremi la pioggia?
Putissi capari la siti a 'sta terra
Porta nni mia 'sti nuvoli sterili
Ca li pozzu jnchiri cu' li me lacrimi
Campi assitati cusparsi di sangu
Vi vogghiu nnaffiari iu cu' lu me' chiantu
L'amuri tirrenu nun po' cunzulari
Li matri ca un ponnu cchiù vidiri 'i figghi jucari
Curriri e farisi mali
Ventu, sciogghi 'u chiantu
Stutalu stu 'nfernu e fai chioviri
Simenti ri paci
Poi fatti urraganu
Spazza 'u Diu Dinaru e l'eserciti
Di li so' seguaci
Ventu, curri
Ventu, curri
Ventu

Essiri ventu e nun muviri fogghia
Miseria e ciniri 'o postu di l'erba
E un c'è primavera ca po' cunzulari
Li matri ca un ponnu cchiù vidiri 'i figghi turnari
Crisciri e farisi ranni

Ventu, sciogghi 'u chiantu
Stutalu stu 'nfernu e fai chioviri
Simenti ri paci
Poi fatti urraganu
Spazza 'u Diu Dinaru e l'eserciti
Di li so' seguaci
Ventu, sciogghi 'u chiantu
Stutalu stu 'nfernu e fai chioviri
Paroli di pace
Poi fatti urraganu
Spazza 'u Diu Dinaru e l'eserciti
Di diavuli armati
Curri, ventu
Sciamma 'u nìuru di 'stu cielu
Drucken Songtext