Juanita La Luna Songtext

I wirde liecht & liechter & d liechter vo dere schtadt schrumpfe & wärde matt mit jedem meter & nume weni schpeter gseht me nid emau me die I ha ne tiger im tank I ha mi zoubertrank & ha nes härz wo überlouft wo hüpft wo mi müpft & schtüpft & wo mi uf ne watteweichi wulke lüpft & I zile wie ne weis nid was uf die wysse schtriche uf der schtrass me seit dr schnäuer isch dr gschwinger & was hinger isch isch gmäiht & jede aber jede wärdi ärnte was är säiht Juanita la luna hija del sol como cada noche estoy pensando en ti como cada noche estoy pensando en ti morn am morge Barcelona & när nume no ne chatzeschprung villech dreivier schtung was weiss I, villech o nid wyt bedütet ja no lang nid läng & au die sache wo mi z lache mache chömen ine wie ne lawine & bliibe & riibe a myne närveschträng & für mys grinse wär e breitliinwang no z äng ds ganze glück a eim schtück & dr räscht i dünne schiibe I la mi gärn so la triibe - I la mi gärn so la triibe & I gah ufe ufe ufe immer höch & höcher ufe aber oben abe chumen I nümm ja du bisch so ne sunneschtrau I ha gar ke wau ganz egau won I bi won I häre gah I nime di mit I bi schön froh I bi schön froh dass es di git Juanita la luna hija del sol como cada noche estoy pensando en ti como cada noche estoy pensando en ti