Dass I Di Ma (mit Nina) Songtext

Dass i di ma (mit Nina) Interpret: Peter Reber Text und Musik: Peter Reber Säg emal, wärum isch d Ärde rund, nid eifach flach Dr Himel blau, wiso glänzt Guld Säg, wärum wei alli Fride, glych git es geng Krach U jede seit dr ander sygi d Schuld Für mängs da git's en Antwort, mängisch isch si kompliziert U mängisch isch o meh als eini wahr Mängs wird lang no Gheimnis blybe, vilich weis mes nie Doch eis, mys Chind, ei Antwort isch mer klar 'S git so mängs wo d nid weisch U so vil, wo d nid chasch verstah Doch 's git eis, won i weis Es git di und dass i di ma Säg, wär cha mer hälfe, wenn i gärn en Antwort hätt Für all di Frage, won i ha Hilfsch mer du, sy's gschydi Büecher, vilich es Gebät Säg, zu wäm de sölli ga Di Lute, die wo d Wysheit mit em Löffel gässe hei Ja die hei geng e schnälli Antwort zwäg Es sy de o di erschte wenn s um ds Steineschiesse geit Doch die, mys Chind, stöh dr Wahrheit geng im Wäg 'S git so mängs, wo d nid weisch ... Lueg emal, hesch gseh, wi vili Farbe dass es git Wär seit, 's gäb nume wyss und schwarz Ds Läbe isch vil bunter, 's louft nid jede stuur im Schritt I mym Chopf hei alli Farbe Platz Ja ds Läbe wäri eifach, gäb's nume Agriff oder Flucht Doch mir, mir wei doch meh uf üsem Stärn So het's zum Bispil di für mi für mängi Antwort brucht Weis nid wärum, doch i weis, i ha di gärn 'S git so mängs, wo d nid weisch ...