Stille Helde' Songtext

Höhner

von Alles Op Anfang

Stille Helde' Songtext
Se sin do –
och wenn keiner hinluurt.
Se helfe janz still un‘ leis‘!
Applaus is ihne‘ nit wichtich.
Se helfe – och wenn't koum einer weiß.
Se sin do, wenn et drop ankütt.
Se bruche dofür keine Verdraach.
Manchmol jeiht et dann och öm e Levve.
Manchmol nur öm et Leech in der Naach.

Stille Helde die helfe ohne ze schwaade!
Se dunn jet, dat is alles wat zällt!
Stille Helde die helfe , ohne ze frore,
noh Ruhm, noh Ehre , noh Jeld!
Wemmer se bruch,
bringen se Hoffnung
un och Truus,
wenn't hatt weed am Schluss.
Wä et Hätz am rechte Fleck hätt,
dä weiß jenau, wat jedonn weede muß.

Ohne die, die sich engagiere,
jöv et su vell, wat nit funktioneet.
Se föhle, se wisse un spüre,
wat jot es – un wat verkeet.

Ov allein – oder met Fründe,
unjefroch‘ sin se am Start!
Janz ejal, ov et jrad IN es.
Janz ejal, ov am Daach oder Naach´.

Stille Helde die helfe ohne ze schwaade!
Se dunn jet, dat is alles wat zällt!
Stille Helde die helfe , ohne ze frore,
noh Ruhm, noh Ehre , noh Jeld!
Wemmer se bruch,
bringen se Hoffnung
un och Truus,
wenn't hatt weed am Schluss.
Wä et Hätz am rechte Fleck hätt,
dä weiß jenau, wat jedonn weede muß.

Wemmer se bruch,
bringen se Hoffnung
un och Truus,
wenn't hatt weed am Schluss.
Wä et Hätz am rechte Fleck hätt,
dä weiß jenau, wat jedonn weede muß.

Se sin do –
och wenn keiner hinluurt.
Se helfe janz still un‘ leis‘!