Secondos Songtext

Er isch jetzt dä Maa im Huus
Miesi Jobs für mieses Gäld s'erschparte gaht langsam us
Sie verzelled vom'nä Land mit freie Arbeitsplätz und Perspektive
Sini Muetter wünscht ihm Glück als er in Zug iischtigt und als Saisonier i d'Schwiiz fahrt zum hälfe uf emä Buurehof
Mit Schwile a dä Händ für Milch und Brot
Er verschtaht keis Wort…

Refrain:
Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

D'Ufenthaltsbewilligung lauft ab er muss usser Landesgränze
Jobt im Ruhrpott Chollebergwärch mit schwarze Händ Nach eim Jahr Staub schlucke schicked's ihm d'Papier
Er chunnt zrugg i d'Schwiiz a d'Langstrass is Italo-Quartier
Er hätt nöd vill Bagage lernt Dütsch „uf das da Schtarass“
Und schafft sich sini Exischtänz als Mech in ere Garage

D'Kassiererin vom Lade gägenüber find er herzig
Amor spannt Pfiil & Boge und trifft mittäis Herz iä
1958 händ die 2 dä Bund für s'Läbe gschlosse
1959 chunnt s'erschte Chind: „Es isch ä Tochter!“
Toni isch stolz wie no nie – es gönd 17 Jahr verbi
Die Tochter bringt es Baby zur Wält und das Baby bin ich
Hallo Schwiiz!

Refrain:
Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

Ohoh ohoh ohoh…

Refrain:
Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?