Pim & Pom Songtext

Cat Ballou

von Lokalpatriot

Pim & Pom Songtext
Leech un Schatte jitt et överall
Luur dir die Lück doch ahn
Dä eine es jrad und dä andre hät ´ne Knall
Jo doröm es de Welt su wie se es
Se muss su sin dröm bliev su wie du bes
Ejal ob en Kraat, oder ne Juppie us Harvard
Du bes he jään jesin

Leech un Schatte
Hät jede Minsch en singem Hätz
Ne nette Kääl, eine fiese Ratte
Un ne dritte dä alle verpetz
Alles Leech un Schatte
Su spillt dat Leeve
dat muss do nit verstonn
Die Ratt, die kann blieve,
dä nette Kääl muss jonn

Floch und Seje jitt et överall
Luur dir et Leeve doch ahn
Häs jrad de Auge opjemaht
Un sähs dinger Mamm „Jooden Daach“
Fängs an zo Schwaade un zo Laufe
Du küss zo Jeld un donoh
steckste deef em Dreck
Dir wood et Hätz zerisse
Bes widder neu verliebt

Floch un Seje
Jestern danzte dinge Hätz
Doch hück kanns‘ do dich nit mieh bewäje
Un wörs su jään noch ens ne kleine Fetz
Alles Floch un Seje
Su spillt dat Leeve
dat muss do nit verstonn
Bes jrad eets jekumme
Un muss alt widder jonn

Dä eine dä es jruß, dä andre klein
Dä eine dä hät Hoor, dä andre kein
Dä hät en hänge, un dä andre ston
Dat es dä Pimm, dat es dä Pomm

Do un ich, nit joot un uch nit schlääch
Du un ich, maache et nit allen rääch
Floch un Seje, Leech un Schatte wie och immer
Mer singe dip dip dibi dip dip dibidu uah