Mir Singe Alaaf Songtext

Brings

von Mehr Songtexte

Mir Singe Alaaf Songtext
Süht et och su us, als jing de Welt hück unger
Maach e Leech aan
Nix bliev, wie et wor, alles drop und drunger
Maach e Leech aan
E Leech för die Stadt
Un e Leech für die Lück
Denn mir glöve do dran
Et Levve kütt zoröck

Un mir singe Alaaf, villeich e betsje stiller
Un dat, wat da wor, kütt janz bestemmp bald widder
Kumm, mer singe Alaaf, denn söns sin mir verlore
Un mir singe janz höösch für e besser Morjen

Wie ne kleine Panz met Angs em Keller
Maach e Leech an
Doch mir kumme dodurch, luur, et weed ald heller
Maach e Leech an
E Leech för die Jode
Un e Leech för die Schläächte
E Leech för die Krumme
Un för die Jerechte

Un ich singe Alaaf, villeich e betsje stiller
Un dat, wat da wor, kütt janz bestemmp bald widder
Kumm, mir singe Alaaf, denn söns sin mir verlore
Un mir singe janz höösch für e besser Morjen

Da, wo jesunge weed, do loss dich nieder
Bös Minsche, die han keen Leeder

Kumm, mir singe Alaaf, villeich e betsje stiller
Un dat, wat da wor, kütt janz bestemmp bald widder
Kumm, mer singe Alaaf, denn söns sin mir verlore
Un mir singe janz höösch für e besser Morjen
Kumm, mir singe Alaaf, villeich e betsje stiller
Un dat, wat da wor, kütt janz bestemmp bald widder
Kumm, mer singe Alaaf, denn söns sin mir verlore
Un mir singe janz höösch für e besser Morjen
Un mir singe janz höösch für e besser Morje