Meine Haar Songtext
Meine Hoar wer'n oiwei länger, oiwei kürzer mei Verschtand, des song d'Leit scho iba mi, i war a Schand, fiar's Vaderland. In dä Fruah fangt des scho oh, der Vodda sogt seid a boahr Johr, jeden Dog den säiben oid'n Schamrr'n zu mia: Bua, etz gäih hoid a moi zom Hoarschneid'n, wia a Graddler schaugst scho aus, und dua Di hoid a moi rasier'n. Wenn i nochand zua ihm sog: Geh weida Babba, hoid Dei Mai'! I konn den Bleedsinn eh scho nimma hearn! Dann scheißt er d'Muadder zam: Schau hi Dei Bua, Du hostn so erzogn! Und danoch her i d'Muadder plärrn: Deine Hoar wer'n oiwei länger, oiwei kirzer Dei Verschtand, des song d'Leit scho iba Di, Du waarst a Schand, fiar's Vaderland. Wenn i dann in'd Orbad geh, hob i di Diar no ned gscheid auf, blerrd dä Scheff scho widda raus aus seim Biroh. Eam foid ah nix nei's mehr ei: Morgn friah wennsd' kimmst host kuaze Hohr, wai i Leid mid lange Hohr ned braucha kohn. Aber wenns a mol pressiert dass i affd' Nacht no' buggln soll, umasonst ganz logisch und fast jed'n Dog Do dad er freindlich wer'n der Hiarsch, do sans vergessn meine Hohr, joh, do fangt er dann zum Stiefalegga oh. Meine Hoar wer'n oiwei länger, oiwei kirza mei Verschtand, des song d'Leit scho iba mi, i war a Schand, fiar's Vaderland. Irgendwann is dann basiert, do wars Atomkraftwerk kapudd: Des in Ohu hod an Riss ghabt, Sakrament. I bin aufgwacht in der Friah und hob in Spiag'l einigschaut und meine Hoahr flaggern no oiweih in meim Bedd. Auf der Strossn lauder Bladderde, die etzt ind' Orba'd gehn. Unsa Papagei sitzd naggerd do und plärrt. Durch'd Atomkraftenergie werd ois vui billiger homs' g'sagt und vor allem schparst der's Geld glei fiar'n Frisär. Etzd wern kürza, oiwei mehra der Verschdant. Wenns nach dem geng, hädd' ma an Haufa g'scheide Leit in unser'm Land.