Kellyburn Braes Songtext

Thair wis an auld carle on Kellyburn Braes (ritefal, ritefal, tittie fal day) Thair wis an auld carle on Kellyburn Braes He mairriet a wife an he rued the day (wi ma rite falal, tittie falal, ritefal, ritefal, tittie falay) Ae day the auld fairmer wis haudin the plou Whan up jumps Auld Nick an says "Hou dae ye do?" Says the Deil tae the fairmer, "A've come for yer wife" "For A hear she's the bane an the curse o yer life" At this the auld fairmer he dances a reel Cryin, "Tak her, O, tak her, O, tak her tae Hell" The Deil he humphit her up oan his back Whan thae landit in Hell, lat her doun wi a crack Thair wis seiven wee devils were hingin in chains She picked up a stick an she scattert thair brains The ither wee devils aa stertit tae bawl "O, tak her back, daddie, she'll murder us aa" Sae the Deil he humphs her again oan his back Whan he got tae the top, flung her doun wi a crack He says, "A've been a Devil for maist o ma life But a ne'er wis in Hell til A met wi yer wife" Nou, it's true that the weemin is worse than the men For thae gang doun tae Hell an get flung out again!