Jupp Vom Zoll Songtext

Bläck Fööss

von Su Schön Wie Augenblecklich

Jupp Vom Zoll Songtext
D’r Fliejer es jelandet - jetz kütt ming jroße Zick
Ich schmieß mich en ming Uniform Un han dich schon em Bleck
Du waats op dinge Koffer, esu als wenn nix wör
Ich maach en Wett: Ding Handjepäck es zwanzig Gramm zo schwer
Wat do wohl alles dren es, wieso es dat esu voll?
Das wird geprüft: Ich ben d’r Jupp vum Zoll

Ich ben d’r Jupp vum Zoll
An mir do küss de nit vorbei
Minge Blick es e CT – ich rüche jede Biesterei
Och wenn Du meins, ich wör ne kleine Doll
Ich ben d’r Jupp vum Zoll! (Jupp vum Zoll, Jupp vum Zoll)

Ich bohr mich en Jedanke virtuell en ding Jepäck
Vür mir jet zo verstecke, dat hät wirklich keinen Zweck
Ich loss mich nit betuppe, dofür bin ich zo schlau
En einzije Zerett zo vill, dann küsste en d’r Bau
Ich dun ming Flich en jeder Schicht, für d’r Vatter Staat
Dat brengk nit vill, doch et weed jot bezahlt

Ich ben d’r Jupp vum Zoll
An mir do küss de nit vorbei
Minge Blick es e CT – ich rüche jede Biesterei
Och wenn Du meins, ich wör ne kleine Doll
Ich ben d’r Jupp vum Zoll! (Jupp vum Zoll, Jupp vum Zoll)

„Sie schwitzen so! Sind Sie nervös? Ich habe ’nen Verdacht!
Am Ende haben Sie ja ’was Verbotenes mitjebracht
Beutelchen mit weißem Pulver! Ist das etwa „Schnee“?!
„Enä! Dat sin de Zuckertütche us em Iescafe!“

Ich ben d’r Jupp vum Zoll
An mir do küss de nit vorbei
Minge Blick es e CT – ich rüche jede Biesterei
Och wenn Du meins, ich wör ne kleine Doll
Ich ben d’r Jupp vum Zoll! (Jupp vum Zoll, Jupp vum Zoll)
Drucken Songtext