Für Immer Uf Di Songtext

Patent Ochsner

von Cut Up

Für Immer Uf Di Songtext
Uf Mueter’s Seu wo hüt
Furt isch vo dr Ärde,
Uf au di schöne Ching
Wo hüt dsNacht gebore wärde,
nUf au die Zyt wo isch vrgange,
Uf au die Zyt wo mir no blibt,
Uf die grüene Trybe,
Uf die süesse Frücht i de Böim,
Uf aui grosse Plän u
Uf aui grosse Tröim,
Uf au die wo fiiren u wo singe,
Uf au die wo sueche
U wo vilicht sogar finge!

Äs Glas uf d’Liebi und
Eis uf ds voue Läbe u
Eis uf au das, wo mir nid chöi häbe.
Äs Tor geit uf u näs Angers geit zue.
Blibsch i mim Härz sogar no denn
We‘s afat weh tue.

Uf au die wo chöi vrgässe,
Uf au die wo chöi vrgäh,
Uf au die wo näs grosses Härz hei
U wo sech das nid löh la näh,
Uf nä gränzelose Himu,
Uf näs uferloses Meer
U für immer uf di!

Äs Glas uf d’Liebi und
eis uf ds voue Läben u
Eis uf au das wo mir nid chöi häbe.
Äs Tor geit uf u näs Angers geit zue,
Blibsch i mim Härz sogar no denn
We‘s afat weh tue.

Äs Tor geit uf u näs Angers geit zue.
Blibsch i mim Härz sogar no denn
We‘s afat weh tue.

Uf Mueter’s Seu wo hüt
Furt isch vo dr Ärde,
Uf au di schöne Ching
Wo hüt dsNacht gebore wärde,
nUf au die Zyt wo isch vrgange,
Uf au die Zyt wo mir no blibt.


(Dank an Willy für den Text)