Fortsetzung Folgt Songtext

BAP

von Da Capo

Fortsetzung Folgt Songtext
Fortsetzung Folgt Übersetzung
1)
Hätt sich als kleine Jung jefrooch, wat wohl passiert,
dann, wenn de Handlung stopp, als ob se wer enfriert.
Un ob sing Comic Helde, wigg vüür em HappyEnd,
och wirklich waade, besse nähxte Woch jespannt zem Büdche rennt,

sing Grosche hinläät: " Tarzan " säht un dann
opwach em Djungel, trotz Rotznaas als Mann,

wo Joode met wieße Hööt, Schläächte en schwazz
weil er et andersrömm noch nit versteht,
eez op der Liehm jonn un spääder besieje,
doch eh dat endlich passiert steht do:

Refr.:
" Fortsetzung folgt " ejal, wie schnell singe Puls och schläät,
für dä Sparjeltarzan ess ein Woch Showdown en Ewigkeit.
" Fortsetzung folgt " ejal, wie schnell singe Puls och schläät,
immer dann, wenn et spannend weet: " Fortsetzung folgt "

2)
Die sibbe Meere samt Pirate fess em Griff,
quer durch all Kontinente, em Jeep, em Wüstenscheff,
met Zeppeline un em UBoot, wenn et sinn moht,
sujar met Kavallerie, wenn widder ens irjendene Fießling Jane bedroht.

Tarzan un er kannte sämtliche Tricks.
Durch dausend Heffjer nur Siejer sons nix.

Doch he om Arbeitsamp, he op dämm Flur,
op dämm er Woch für Woch steht
bestellt un nit affjehollt kennt er jed Woot,
dat dä dodrinn ihm jlisch säät:

Refr.:
" Fortsetzung folgt " ejal, wie schnell singe Puls och schläät,
für dä Sparjeltarzan ess ein Woch Showdown en Ewigkeit.
" Fortsetzung folgt " ejal, wie schnell singe Puls och schläät,
immer dann, wenn et spannend weet: " Fortsetzung folgt "
Drucken Songtext