Anandmurti Gurumaa
Hum Mast Rehate Hain
Sukh aate hain dukh aate hain
In aate jate sukh dukh main hum mast rehate hain
Gaate gaate fakira kahe jata
Koi paida hua, koi mar jata
Is janam maran ke khel main hum mast rehate hain
Kabhi maan mila jee bhar-bhar ke
Kabhi apmaan hua jee bhar-bhar ke
Is maan-apmaan ke khel main hum mast rehate hain
Guru gyan pitara khola hai
Ye jag saraa ik mela hai
Kshan-kshan badalte sukh dukh main hum mast rehate hain
Yahi to jeena bhai jeena hai
Vish chodd diya amrit peena hai
Hum amrit pitee rehate hain aur mast rehate hain
(Thanks to prashant for these lyrics)
Aus Songtexte Mania