Der Rasenmäher Songtext

Hans Söllner

von Mehr Songtexte

Der Rasenmäher Songtext
Die ganze Woch dearfst buckeln , muasd Autos reparieren ! Do gfreist di aufn Samstag brauchst ned aufstehn in der Fria! Oamoi richtig schlafa bis um viere Nachmidog , bloß is des ned so einfach wennst an blädn Nachbarn host . Mei Nachbar Leid, ich sogs eich , des is vielleicht a Aff' , am Samstag in der Fria hod der sein' Rasnmäher packt . Um sieme fangt da Krach o , da reissts di ausm Bett . Na , wart moi du kaputta Typ , du kriagst scho nu dei Fett . Am Montag in da Nocht bin i in sei Garage eingstiegn , hob sofort damit angfangt ihm die "Kruckn" zum zerlegn ! Zylinder a weng aufbohrt , die Zündung stai i eam ein ,an doppelvergaser von Weber , der mua nachand scho sei . A gscheite Übersetzung und die ketten werd verkürzt , an Ansaugstutzen von der Kawasaki himontiert! An 2-Zylinder , 8-Ventiler hab i eam do gmacht , der was von null auf hundert in 4 Sekunden schafft . Am Samstag drauf bin i um fünfe a scho aus meim Bett , und hob mi drausn im garten hinterm Zaun aufd lauer glegt . Pünktlich aufd Minuten schmeisst er drennt sei Monster o, legt sanft an ersten Gang ei , und losd die Kupplung los . Wie aufm Salzburgring fahrt er vier Runden um sei Haus . Dann brennt a so mit 130 aufd Haupstross naus . Dass Gartentürl no zua war , des hod er nimma gspannt , die Zaunlatten fliang durch die Luft und ois weard überfahrn . Von Reichenhall nach Pieding hod a drei Minuten braucht . Den kurzen Weg bis Aufham fahrd er überd Autobahn . Hintan Staufen wieder ummi, über Inzell wieder zruck , an Tramper hot er a dabei , der wo auf da Lenkstang hockt . Ja Leit , i sags eich glei , wenns so an Nachbarn habts wia mi , dann mahts eian Rasen ned am Samstag in da Früh , machts es wia mei Nachbar , der woass scho wos se gheat , der schneidt sein Rasen mit da Schaar damit si neamd dro stört !