Alles Em Lot Songtext

BAP

von X Für E U

Alles Em Lot Songtext
Alles Em Lot Übersetzung
All Froore sinn affjehook,
et ess akzeptiert.
Mir hann uns verdonn, mir zwei,
mir hann uns verirrt.

Wat ahnfing wie'm Bilderbooch
jing dann doch Richtung Groscheroman.
Ich hann ding Breef nie kapiert,
un ming Leeder kohme nie bei dir ahn.
Ne Hingerhoff-Romeo
zwesche Traumtanz un Realität,
en rootlose Julia
die'n sick Johre nur noch mißversteht.
Nur selden woot zojehührt,
noh un noh kaum noch jet jesaat,
ahm Engk nur noch resigniert,
verdrängk, Illusione jemaat.

" 't ess alles em Lot, alles em Lot - waat aff, du weeß sinn:
Alles weed joot, dat krie' mer schon hin."
Un'e zerknittert Polaroid litt he om Desch vüür mir
un Papier, dat grau un durchradiert ess.
et kohm, wie't kumme moht, " Alles em Lot ".

Ne Hingerhoff - Romeo
stiert singe Zeddel ahn, dä immer noch leer.
Hä weiß. watte schrieve will,
nur dat "Wie" fällt ihm unjewonnt schwer.
Denn alles ess längs jesaat,
vill ze off criehten se sich em Kreis.
Nur, wat sie ihm noch bedügg,
ess, wat sie höchstwarscheinlich nit weiß.
Hä steht op, jeht raff nohm Fluß
un denk: " Ahm Engk verröht mir't dä Wind,
wie ich et ihr saare soll,
ich wööt su jähn ihre Fründ ".

" 't ess alles em Lot, alles em Lot - waat aff, du weeß sinn:
Alles weed joot, dat krie' mer schon hin."
Un'e zerknittert Polaroid litt he om Desch vüür mir
un Papier, dat grau un durchradiert ess.
et kohm, wie't kumme moht, " Alles em Lot ".

Alles em Lot, alles em Lot
Alles weed joot, alles weed joot.
Un 'e zerknittert ......
Drucken Songtext