A Jeda Is A Spanner Songtext

I bin a Reichenhaller und bei uns gibts sowos net Wia Bibbalzoaga oder Homosexualität Na im Landkreis Berchtesgaden gibts grod Anständige Leid Mia machans no im finstan und schamman uns dabei Trotzdem steht mei Nachbarin tagtäglich in da Friah Um neine am Balkon drom mit Sonnencreme Eigschmiert Sie mecht gern nahtlos braun werdn, drum stehts do Ohne Gwand Und drunt am Zaun steht s´ganze Dorf wia zufällig Beinand Ja Leid a jeda is a Spanner und spannt sovui wias Geht Da oane gspannts grod friahra und da andre, der spannts hoit net Aufe muaß i heit noch Traunstoa mit meim Musterungsbescheid Letzte Woch hob i´n griagt und i hob mi net recht Gfreit Ja dass i net guad beinand bin, jeda Doktor sigt Des glei Meine Bandscheibn ham se gfressn und mei Lung, de Pfeift Trotzdem plärrt er, ziag di aus und dann buckst di Aba schnell Und er bohrt ma nei mim Finga, sakrament des duad Fei weh Dann muaß i zehn Gniabeign macha, Bluatdruck Siebzg-zwoahundatneinzg I laf ganz blau o im Gsicht Tauglichkeitsgradstufe eins Ja Leid a jeda is a Spanner und spannt sovui wias Geht Da oane gspannts grod friahra und da andare, der Gspannts hoit net I kenn koan der wo se weg draht wenn er an da Isar geht Und am Flaucha drom a Dirndl nackad in de Flutn Steht Do hob i bisher koan droffa der pfui Deife Schreit Und kotzt Wenns am Eisbach wia de Haring nackad flagga in da Sonn Wer schaut weg wenn se de Kellnerin ganz Freindlich obabuckt Und ihr s´Dirndlgwand vui z´eng is, dass ihr S´Herz gscheit außa druckt Oda wem von eich werd schlecht wenn er a ganz a Schene sigt Der de nosse Blusn wia a zwoate Haut am Busn bickt Ja Leid a jeda is a Spanner und spannt sovui wias Geht Da oane gspannts grod friahra und da andare, der spannts hoit net Neilich hot ma oane gsogt, dass i a oide Drecksau Bin Und dass recht hot hob i a de letzte Strophn für Sie gschriebn A ihr Fraun schaugts eich ganz gern moi a nackads Mannsbuid o Haare auf der Brust san recht gefragt und Muskeln Sowieso Wer von eich daschreckt im Nu wenns in d´U-Bahn Obe geht Und a Typ mim offan Hosndürl an da Eckn steht Ganz im Gegnteil, ma gfreit se und s´wegschaun Foid scho schwar S´Bibbalzoang is nimma des wos Friahra amoi war Ja und do spannan a de Fraun, dass ohne spanna gor Net geht De oane gspannts grod friahra und de andare, hot a Bech, de gspannts hoit net